Poesia n°1 : Peçòta d'Albin Bonnet estrach de Manjalume.

Faire viatjar
sens alas ni batèu
solament quaquei linhas espaurugaas
que s'amolònan au canton dau fuèlh
per se tenir chaud :
pretzfach gigant per l'òme nanet
ras lo papièr
que se neja dins son ment
aiga negra.
Ai pas pron de pluma
per faire
d'alas
bravament vau assajar de nos faire passar
sota lo pònt dau dedins
gitatz una peçòta d'esper entre lei linhas
esperant qu'unn pauc de lutz
vos endralhe entre alen e poësia
au calinhament de la vita.

Albin Bonnet nasquèt en 1980 dins las Alps de Nauta Provença.
Aquel apassionat de montanha, l'una de sas sorgas màger d'inspiracion, ensenha l'occitan al collègi de Mende en Losèra, aprèp d'estudis a l'Universitat Pau Valèri de Montpelhièr. Es a son grand paire que deu sa coneissença naturala e son amor apassionat de l'occitan. Marcat per l'òbra del nissard Alan Pelhon, publiquèt novèlas e poesias dins las revistas Oc e Euròpa.

Edicions Jorn : http://www.editions-jorn.com/auteurs-albin-bonnet.htm