Frasa clau 13 : "Puèi, tot d'un còp, lo jutge arriba amb los avocats, los testimònis e Caramentran."

poesia setmana 19-23 de genièr de 2009 : Carnaval.

CARNAVAL

Quand se veirà lo bombardièr escampar pluèja de confètis. . .
Quand se veirà lo canon faire riseta a l'objectiu...
Quand se veira lo tanq passejar filhas per las fèstas...
La bala far son ziga-zaga, coma lo serpentin...
Farai de Carnaval la fèsta nacionala !...

Miquèu DECOR




Carnavaleti !
Cada annada tòrnas
Jamai lo meteis (bis)

Sès gigant, sès nan, sès vèrd, sès blau, sès jaune sès grand, sès gròs.
Sénher Carnaval sès misteriós mas fòrça conegut
Dançam, cantam per tu,
E tu nos menas la jòia !

Naomia e la classa de CE CM.

frasa clau n°12 : Deman farai una poësia, deman t'aimarai.

Tèxt causit n°12 : deman serai...

Deman serai dançaira
Deman serai mai granda
Deman serai mai polida
Deman serà un autre jorn
Deman farai una poesia
Deman t'aimarai
Deman morirai
Deman moriràs
Deman ma filha aurà setze ans
Deman ma filha morirà
Deman ma dosena filha serà mameta
Deman mon filh serà papet
Deman mon chin morirà
Deman ma vida contunharà
Deman mon marit me rejonherà
Deman òm va brutlar ma maire
Deman un ostal se va construsir
Deman serai just un sovenir
Deman existirai pas pus !

Emilia e la classa de CE CM.

Cants de Carnaval.

Carnaval es arribat.

Carnaval es arribat, fuma la pipa, fuma la pipa,
Carnaval es arribat, fuma la pipa sens tabac.
Fuma la pipa, fuma la pipa, fuma la pipa sens tabac (bis)

Quand aurem tot acabat, farem la fèsta, farem la fèsta,
Quand aurem tot acabat, farem la fèsta a tot petar,
E anarem totes, i anarem totes, i menarem nòstres enfants,
E la jornada serà pagada coma se trabalh aviam.

Carnaval remena remena...

Carnaval remena remena, carnaval remena lo braç
Carnaval remena remena, carnaval remena aital...

lo coide, la man, los dets, la camba, lo pè, los artèlhs, los genolhs, lo ventre, lo pitre, lo cap, lo cuol,...

Carnaval aviá.

Carnaval aviá capèl de papièr
Capèl de papièr per dançar leugièr
Adieu Carnaval, tròp d’ora, tròp d’ora
Adieu Carnaval, tròp d’ora t’en vas
Carnaval aviá camisa de papièr ...
Carnaval aviá bragas de papièr ...
Carnaval aviá solièrs de papièr ...

Adieu paure Carnaval

Adieu paure, adieu paure,
Adieu paure Carnaval
Tu te'n vas e ieu demòri
Adieu paure Carnaval
Tu t'en vas e ieu demòri
Per manjar la sopa a l'alh
Per manjar la sopa a l'òli
Per manjar la sopa a l'alh
Adieu paure, adiu paure,
Adieu paure Carnaval

La joinessa fa la fèsta
Per saludar Carnaval
La Maria fa de còcas
Amb la farina de l'ostal

Lo buòu dança, l'ase canta
Lo moton ditz sa leiçon
La galina canta lo Credo
E lo gat ditz lo Pater

Frasa clau n°11

Acabèt que tombèt sus las espatlas de son collèga que se levèt e lo tornèt sul trampolin.

Tèxt causit n°11 : Al circ.

Al circ.

Lo circ Zavali traversèt França e s'arrestèt dins lo vilatge nòstre, Gignac. Arribèt lo ser. Installèron la tenda e s'entrainèron pel espectacle del endema. D'enfants que se passejavan per carrièra, vegèron la tenda del circ e se ne sarrèron. Sentiguèron lo mascaratge e la barba de papà. Un òme amb un capèl naut sortiguèt e lor demandèt:

- De que fasètz aquí?
- Vodriam véser los animals mas avèm pas d'argent
- Es pas greu, pels enfants es a gratis.

Lor agradèt fòrça, lo dondaire lor mostrèt lo girafon qu'èra nascut pendent lo viatge.

L'endeman de matin dins totas las carrièras de Ginhac s'ausissiá:
- Lo circ Zavali es aqui venètz a sèt oras al centre de Ginhac!!! Sèt oras!!! Centre de Ginhac!!! Per un espectacle fabulos de circ!!! Animals, palhassas tot aquò aquí per vautres a sèt oras!!!

A sèt oras la tenda èra comola de mond, quin sagan !

La musica comencèt, e Sénher Loial arribèt. La musica se calèt :

- Adieu e benvenguda al circ Zavali ! Per començar los palhassas vos van far qualques torns, faràn plaça als animals que acabaràn l'espectacle.
Mas ara plaça als palhassas !!

Doas palhassas se butan entre eles per far petar de rire los enfants. Tot d'un còp un palhassa cabussa dins una bacina çò que fa regisclar d'aiga sul mond que ne ris encara mai.
L'autre se metèt a sautar sus un trampolin mas de tant naut que sautava se tustèt lo cap sul teule. Acabèt que tombèt sus las espatlas de son collèga que se levèt e lo tornèt sul trampolin.

An aquel moment, un autre palhassa dintrèt en far de trompèta amb una brancha de sap a cabal sus una escoba. Tot lo mond se risián. Mas se brutlèt amb un fèr d'estira qu'èra pausat sus una taula e tombèt dins una escobilha en recuolar. Se ne sortiguèt e lempèt sul tapis. Los enfants se trufèron de mai en mai.

Mas dejà los dos autres palhassas montavan a caval, un en tener la crinièra l'autra la coga. Tombèron jols rires del public, l'un dins una barrica d'aiga, l'autre a costat. Lo segond prenguèt la barrica e escampèt aiga e palhassa dins la sabla.

Lo palhassa sec tornèt montar sul cabal per escapar al palhassa banhat. Lo cabal sautèt per dessus una barra, lo palhassa aviá tant paur que faguèt rire tot lo mond. Mas la gent jetèron de bocins de pan pel caval. Catastròfa ! Lo caval qu'aviá talent pensava mai al pan qu'a escotar. L'espectacle èra mancat... Non ! Totes se meton a rire, l'espectacle contunha d'èsser una capitada !

Es a aquel moment que lo palhassa trempat volguèt brancar una presa e s'electrocutèt puèi tombèt dins una trapa. Lo mond risiá, risiá...

Es alara que vegèrem una otaria que joguèt amb un balon, jonglèt e cabussèt dins una bacina.

Una gafèta jogava a amaga amaga en volar per far esperar... lo tigre ! Lo tigre dintra en scena en far un salto puèi sauta dins un cèrcle de fuòc.

E es lo can qu'acaba l'espectacle en marchar sus un fial... lo public es boca clavada...

Sénher Loial s'avança e crida :

- Alara, sètz contents ? L'espectacle es acabat !
- O ooo !
- Bon alara un darrièr present, totes los artistes van tornar !
- Aaaa!

Et los uns aprèp los autres, totes los artistes venguèron saludar e faguèron un torn de pista.

Per fin, Sénher Loial diguèt :

- Lo circ Zavali vos ditz «mercé e al reveire » deman serèm a Aniana !

Atal s'acabèt la serada e los enfants tornèron en cò d'eles amb los uèlhs comols d'estelas.

Bastian e la classa de CE CM.