Adverbis

Los advèrbis :

* Son un ensemble de mots qu'an de formas plan diferentas :
- de mots solets : aicí, ièr, pro, fòrça, joiosament,...
- de grops de mots : a quicòm pròche, tot d'una, mai o mens, sul pic,...

* L'advèrbi es utilizat coma complement d'una frasa o per modificar lo sens d'un adjèctiu (aviá de fòrça bonas apreciacions), d'un vèrb (manjavan dapasset) o d'un autre advèrbi (aquela mangiscla es plan tròp cauda).

* Los advèrbis son invariables.

* Exprimisson :
- lo temps : Plòu sovent dins aquela region.
- lo luòc : Esperas aicí mon tornar
- la manièra : Mena fòrça plan ma veitura.
- la quantitat : I a pro de noiridura per tot lo mond.
- La negacion : Cal pas traversar la rota.

* Fòrça advèrbis de manièra son formats en partir d'adjèctius. S'acaban pel sufixe -ment (cal de còps apondre una autra letra).
Ex : freg → frejament long → longament regde → regdament

Qualques expemples d'advèrbis :

* Manièra : plan, coma, mal, tornamai, atal, tanben, tanpauc, cossí, mièlh, puslèu, a de bon, quasi, lèu lèu, dapasset,...
* Luòc : aicí, endacòm mai, après, arrè, alentorn, davant, defòra, darrièr, dejós, aquí, ailà, pertot, prèp, …
* Temps : de còps, un còp èra, tant lèu, alara, aprèp, en seguida, tot d'una, sul pic, primièrament, ça que la, uèi, deman, desempuèi, jamai, ara, puèi, quand, sovent, totjorn, lèu, tot d'un còp, sul pic, longament,...
* Quantitat : quasi, mai, mens, pro, tan, autant, fòrça, quant, encara, al entorn de, fòrt, gaire, pauc, si, tant, talament, tot, tròp, un pauc, a quicòm pròche, mai o mens,...
* Ligason : atal, tanben, ça que la, puèi, es perqué, de mai, …
* Afirmacion : segurament, òc, benlèu, probable, sens dobte, vertadièrament,...
* Negacion : pas jamai, pas pron, pas res, non pas, nani, non...