cant 21 : carnaval

Adiu paure, adiu paure,
Adiu paure Carnaval !

1/ Carnaval, sès un ivronha
Que nos fas manjar d'argent
Mas as una brave tronha
E ton ventre es sens parièr.

2/ La joinessa fa la fèsta,
Per saludar Carnaval.
La Maria fa de còcas,
Amb la farina de l'ostal

3/Lo buòu dança e l'ase canta,
Lo moton ditz la leiçon,
La galina ditz lo Pater,
E lo cat ditz lo Credò !

4/ As cagat dins ti culòtas
A colat dins ti debàs !
S'aviás pas agut la foira
Auriá pas tombat tan bas !

5/ Tu te'n vas e ieu demòri,
Ieu demòri e tu te'n vas.
Per manjar la sopa d'òli,
Per manjar la sopa d'alh !

6/ Diga me perqué te caça
Aquel laid Caramentran
Perqu'aicí daissar ta plaça
Perqué pas restar tot 1’an ?

7/ Carnaval èra un bon òme,
Qu'aviá fach son testament.
Aviá res laissat' sa femna
Quèra mens a sos enfants.

8/ Tu t'en vas e ieu demòri,
Ambe les borsons curats.
S'aviás pas agut la foira,
Seriás pas tombat tant bas.

9/ Tu te'n vas e ieu demòri,
Ieu demòri e tu te'n vas.
Adiu paure, adiu paure,
Adiu paure, Carnaval.

10/ Ara qu'avèm tot acabat
Farem la fèsta, farem la fèsta
Ara qu'avèm tot acabat
Farem la fèsta, dins lo prat.

11/ Ara qu'avèm tot acabat
Fuman la pipa, fuman la pipa
Ara qu'avèm tot acabat
Fuman la pipa sens tabac.