Frasa clau 13 : Mas las gents avián vistas la tomata e la patata.

Natura dels mots :

Mas :conjonccion.
las : article definit femenin plural
gents : nom comun femenin plural
avián vistas : vèrb véser, 3en grop. mai que perfièch, tresena persona del plural.
la : article definit femenin singular
tomata : nom comun femenin singular
e : conjonccion de coordinacion
la : article definit femenin singular
patata : nom comun femenin singular

Fonccion dels grops de mots :

Mas las gents : grop subjècte.

Avián vistas la tomata e la patata : grop verbal
avián vistas : vèrb
la tomata e la patata : complement d'objècte dirècte (objècte de la frasa).

Gramatica :

en occitan, l'accòrd se pòt far dins los tempses compausats, amb l'auxiliar aver amai quand lo COD es aprèp lo vèrb quand lo COD es ja fòrça present dins lo cap del locutor.
Es lo cas de la frasa clau.

Aquel acòrdi es pas sistematic coma l'es quand lo COD es dabans lo vèrb o coma quand es lo vèrb èsser qu'es emplegat.

Conjugason :

Mai que perfièch : formacion per totes los vèrbs

Lo mai que perfièch descriu una accion passada que se debanèt abans una autra accion passada.
Per formar lo mai que perfièch, utilizam l'imperfièch del vèrb auxiliar e lo participi passat. Lo vèrb auxiliar e las règlas d'acòrd son tal coma pel passat compausat.