Cant poesia n°13 : Nadalets

Nadalets

Nadal de Pesenàs.

Dins un estable, aval,
Es nascut, polit Nadal. (Bis)
Dins una grépia de rocada,
Ambe de palha per flaçada. È !

Chut ! chut ! chut ! que l’enfant dòrm pas tan de bruch
Chut ! chut ! chut ! chut ! chut ! chut ! chut ! chut ! chut !

Lo pastre a quitat son prat,
En cantant es arribat. (Bis)
Sant Josèp se met sus la pòrta
E l’arrèsta d’una votz fòrta. È !

Un cordonièr ven exprès
Per li faire de solièrs. (Bis)
Pam, pim, pam, pica la semèla,
Sulcòp Sant Josèp l’interpèla. È !

Lo fifraire del país
Pòrta tanben son otís. (Bis)
Per complaire al Filh, a la Maire,
I vòl jogar son plus bèl aire. È !

Nadal dels aucèls. Anonim

Aicí l'estèla de nadal,
Qu'es aquel bruch sus nòstre ostal?
Es una tropa d'aucelons
A Bethleem van dos a dos.
Dins l'estable ont lo Rei dal cèl
Dròm entre l'ase e lo maurèl
Digatz aucèls qué venètz far?
-Venèm nòstre Dieu adorar.
La lalala lalala lalala lala
La lalali lali lali lali lala
La lalala lalala lala lalilala
La lilila lalilila lali lila
Lo pol s'avança lo primièr
Monta sul boès del rastelièr
E per començar l'orason
Entona son "Cocorocon"
Lo mèrle arriba en estiflant
Lo linòt en canturlejant
Lo pijon fa "rocó rocó"
La lauseta "tira liron"
Tira lirà tira li tira li liron
Ti tira li titira li tiraliron
Ti tira li tira li tira li liron
Ti tira li ti tira li tira liron

Lo cardin sortís de son niu
Saluda e fa "tirli chiu chiu"
"Chiu chiu" respond lo passerat
E la calha fa "palpapà"
Vaicí venir lo baticoeta
Se pausa a costat del verdet
E sus l'albar lo rossinhòl
Canta a l'enfant re mi fa sòl.
Re re re mi re re mi re re mi fa sòl
Re re re mi re re re mi re mi fa sòl
Re re re mi re re mi re re mi fa sòl
Re re re mi re re re mi re mi fa sòl
Per onorar lo filh de Dieu
Venètz en franda devocion
Angèls pastors aucèls del cèl
Cantem anuèit Noèl Noèl
La lalala lalala lalala lala
La lala lèra lala lèra lalala
La lalala lalala lala lèra la
La lala lèra lala lèra lalala.

Cantem Nadal. Anonim.

Ieu me soi levat per un matinet
Que l’alba preniá son blanc mantelet.
Cantem Nadal, Nadal Nadal,
Cantem Nadal encara ! (bis)
Ai pres ma capòta e mon capulet
E mon cort mantèl de droguet violet.
Ieu me’n soi anat cercar Guilhaumet.
–Qu’escotas aquí, gai pastorelet ?
Escoti cantar lo rossinholet,
Jamais n’ai ausit cant tant aimablet !
-N’es lo rossinhòl ni autre auselet
Mas del paradís un bèl angelet.
Ditz qu’a Betelèm, dins un establet,
Es nascut anuèit un Dieu enfantet.

Lèva-te viste Bertomieu. Anonim.

Lèva-te viste Bertomieu
Lèva-te per l'amor de Dieu
Vai te'n veire sus la teulada,
Çò que se passa dins la prada,
E se quicòm charma ton uèlh
Balharàs un còp de fiulèl.
-Vesi venir tres monsurets,
Totis ribans, totis boquets,
Que ne cantan tant bèlis aires
En l'onor de la Vièrja Maire.
Per encantar lo Rei del Cèl
Cantan çò que i a de pus bèl!
-Vai te'n cargar lo gilet blanc
Per anar veire aquel enfant.
Regarda plan lo cèl, escota,
Nos podèm pas trompar de rota.
Anem, anem, fasem camin,
Arribarem deman matin.
L'estela que lusís al luènh
Nos menarà a Betelèm.
E quand aurem trobat l'estable
Ont es nòstre Dieu tant aimable,
Li ofrirem nòstres presents,
No'n tornarem totis contents.

Nadal tindaire. Anonim

Anam ausir las aubadas
Que se’n venon de sonnar
Sus de trompetas dauradas
Dison qu’un delfin serà.
L’una fa : « Tarari tararèra
Lintampon laderitampon
E l’autra li fa lo respon .
Tarari, tararèra
Lintampon laderitampon
Novèl vengut, pichòt popon.
Quand dintrarem dins l’estable,
Li tirarem lo capel
Li direm : « Enfant aimable
Sètz polit coma un anèl. »
Un farà: « Tarari tararèra
Lintampon laderitampon
E l’autre farà lo respon .
Tarari, tararèra
Lintampon laderitampon
Novèl vengut, pichòt popon.
Sonatz pifres e trompetas,
Timbalas e caramèls,
E vos claras campanetas
Ambe lo còr dels angèls.
Digatz-li: « Tarari tararèra
Lintampon laderitampon
E cadun farà lo respon .
Tarari, tararèra
Lintampon laderitampon
Sètz benvengut, pichòt popon.