poesia: Los carbonièrs de la Sala.

Los carbonièrs de la Sala,
Occitans, sens o saber,
Cantan l'Internacionala,
La cançon del desespèr.

Del punh sarrat que se lèva
Saludem l'acordeon.
Qual compren la nòstra grèva?
Jaurés es al Panteon...

Luchas grandas d'un còp èra:
La polícia dins Aubin.
Per saquejar la misèria
Quand trigocèrem Watrin.

La plegarem pas l'esquina.
Ajudatz-nos païsans.
Volem gardar la nòstra mina,
Lo pan de nòstres enfants.

Cantem l'Internacionala,
La cançon de nòstre espèr.
Los carbonièrs de la Sala...
Occitans, nòstres dever?

Joan Bodon.