Frasa clau n°15 – Los animals vejèron la tuta del rainal que lor diguèt: « - Venètz, venètz! »

Natura dels mots :

Los: article definit, masculin plural.
animals: nom comun, masclin plural.
vejèron: vèrb veire(3en grop) conjugat al preterit, 3ena persona del plural.
la: article definit, feminin singular.
tuta: nom comun, feminin singular.
del: article contractat (de+lo) masculin singular.
rainal: nom comun, masculin singular.
que: pronom relatiu
lor: pronom personal complement
diguèt: vèrb dire (3en grop) conjugat al preterit, 3ena persona del singular.
Venètz: vèrb venir (3en grop) conjugat a l'imperatiu, 2ena persona del plural.

Fonccion dels grops :
Los animals:grop subjècte.
Vejèron la tuta del rainal que lor diguèt: « - Venètz, venètz! »: grop verbal


L'imperatiu:

Utilizam l'imperatiu per exprimir un òdre o una defensa.
L'utilizam tanben per exprimir una demanda o un conselh.

L'imperatiu se conjuga a 3 personas:
- La segonda persona del singular (tu): Manja!
- Las doas primièras personas del plural (nosautres e vosautres): Magèm! Manjatz!

A la forma afirmativa, quasi totes los vèrbs se fòrman del meteis biais:
Per formar la segonda persona del singular, conjugam lo vèrb a la 3èna persona del present de l'indicatiu.
Ex: Tampa la pòrta. Carga lo mantèl. Beu proprament.

Per formar la primièra persona del plural (nosautres), conjugam lo vèrb al present del subjonctiu.
Ex: Anèm, montèm! (e pas anam, montam)

Per formar la segonda persona del plural (vosautres), conjugam lo vèrb al present de l'indicatiu.
Ex: Montatz dins vòstra cambra e dormissètz.