poesia n°7 8 9 : animals.

L'escorpion.

Fossilizat dins l'orror de sa negror minerala
l'escorpion, madurant sos mai denses verins.

Renat Nelli.

Cameleon.

Cap de crinièra, ges de giba
soi pas mai camèl que leon
mas me veson cameleon
que sabi pas çò que m'arriva !

Ramon Busquet.

Lo sabaud.

Perqué sos uòlhs s'enclausisson de luna
clara dins lo cèl escur
un sabaud de l'estiu, doçament nada
dins l'aiga plana, miralh pur.

Max Roqueta.