Poesia n°5 : Paure Martin.

Paure Martin

Lo rabassièr* dessús l'espatla
E a sas brègas* un doç cant,(bis)
E dins son eime un grand coratge
Anava trimar*dins los camps

Paure Martin, paura misèria,
Cava*la térra, cava lo temps.

Per ganhar lo pan de sa vida,
E dau trelús* fins au ponent*,(bis)
Totjava* de pertot la tèrra
Jos lo canhard*, la nèu, lo vent.

E sens mostrar dessús son morre*
L’aire gelós, l’aire michant,(bis)
Laurava la tèrra das autres,
Sempre* fotjant, sempre fotjant.

E quand la mòrt i faguèt signe
De remenar* son darrièr camp,(bis)
Se cavèt el-même sa tomba,
Faguèt lèu-lèu* en s’amagant.

Se cavèt el-même sa tomba,
Faguèt lèu-lèu en s’amagant*,(bis)
E se colquèt* boca clavada*,
Lo mond aiman pas lo çaganh*.

Paure Martin, paura misèria,
Sol jos la tèrra, sol dins lo temps.

Jòrdi Brassens. Adaptacion: P. Carcassès