poesia n°7 8 9 : animals.

L'escorpion.

Fossilizat dins l'orror de sa negror minerala
l'escorpion, madurant sos mai denses verins.

Renat Nelli.

Cameleon.

Cap de crinièra, ges de giba
soi pas mai camèl que leon
mas me veson cameleon
que sabi pas çò que m'arriva !

Ramon Busquet.

Lo sabaud.

Perqué sos uòlhs s'enclausisson de luna
clara dins lo cèl escur
un sabaud de l'estiu, doçament nada
dins l'aiga plana, miralh pur.

Max Roqueta.

frasa clau n°7 : totas las tartugas de l'escòla venguèron amigas amb la tartuga novèla.

poesia n°6 : Lo secret de las arondas

Solas dins la lutz dau cèl
Negadas dins sa gaug
E bastissaras jos los tèules nisadas
Amb totjorn au fons de l'eime
Aquel espandi sens fin dau grand viatge
En subre de la mar
Cap al desert
Als ostaus blancs esterlucants
A la palmas a l'aiga pausada de l'oèd
Aquel balanç
Entre dos monds tant desparièrs
Qu'un i es totjorn lo cèl de l'autre
A de reng de longa
Fins a l'absencia

Max Roqueta

Tèxt causit n°6 : Loisa es pas contenta

Aqueste matin, Loisa es pas contenta.

Sa mamà li ditz :
-« Perqué sès pas contenta ? »
Loisa respond :
- « Perque Jaqui m'a copat ma pepeta . »
Sa maire va veire Jaqui e li ditz :
« Perqué as copat la pepeta de Loisa ? »
Jaqui respond :
- « L'ai pas fach exprès e en mai ela tanben me copèt mon robòt. »
Sa maire ditz:
« Te vas desencusar e Loisa tanben. »
Jaqui se desencusa e vaquí son reconcilhats.
Ara lor mamà lor a crompat una pepeta e un robòt. Per Nadal, lo Paire Nadal balharà un autre robòt e una autra pepeta a Loisa e Jaqui. Seràn contents d'aver un robòt e una pepeta en mai.Loisa e Jaqui diràn:
« -Mercé Paire Nadal ! »

Loisa e la classa de CE-CM.